ԱԺ «Պատիվ ունեմ» խմբակցության քարտուղար Տիգրան Աբրահամյանը նշել է, որ ադրբեջանական ռեժիմի վարքագիծը, որը սկսվեց 1988 թվականի փետրվարի 27-29-ի Սումգայիթի ողջամիտ բնաջնջման հրեշավոր ակտով, մինչ օրս չի փոխվել։
«38 տարի առաջ՝ փետրվարի 27-29-ը, Սումգայիթ քաղաքում ադրբեջանցիները կազմակերպեցին հայերի նկատմամբ ջարդ, որի հետևանքով զոհեր եղան հարյուրավոր մարդիկ, խոշտանգվեցին, բռնաբարվեցին և ենթարկվեցին կտտանքների։ Տասնյակ հազարավոր հայեր ստիպված էին լքել իրենց տներն ու բնակավայրերը։ Այս ադրբեջանական վայրագությունները համակարգված բնույթ էին կրում՝ կազմակերպված խմբեր, զինված հրոսակներ, հայերի բնակարանային հասցեների ցուցակներ և այլն»,- նշել է Աբրահամյանը։
Նրա խոսքով՝ ադրբեջանցիները այսօր հպարտանում են իրենց անցյալի հանցանքներով և պարբերաբար սպառնում են, որ, եթե կարիքը լինի, նույն կերպ կվարվեն։
Քարտուղարը կարծում է, որ այս իրադարձությունների ֆոնին «փաշինյանական ռեժիմը փակել է ոչ միայն արցախյան էջը, այլև չտեսնելու, չլսելու է տալիս պատմական ոճիրը՝ համակերպվելով ադրբեջանական հանցանքների և ատելության դրսևորումների հետ, ինչը հղի է կրկնությամբ ու առավել սարսափելի իրադարձություններով»։
